Մայր դպրոցում ծառատունկը կազմակերպվում է այգեպանի հետ դիտարկումից հետո: Տարածքում շրջելուց հետո գրանցվում է դեկորատիվ և պտղատու չստացված ծառերի քանակը, ինչպես նաև ազատ տարածքները, որտեղ կա ծառեր ավելացնելու անհարաժեշտությունը:
Դիտարկում.
Տարածքը` Միջին դպրոց
Կանաչ ծառուղու հատվածում արդեն հաշվարկվել է 6 դեկորատիվ ծառի համալրման անհրաժեշտություն: Գարնան ծառատունկի շրջանում տնկված 7 պտղատու ժառերից, որոնք տնկել էին Մովսես Ավետիսյանը և սովորողները`մուտքի արտաքին բակում: Նորատունկ ծառերը ջրել են և սովորողները, և այգեպանը: Կանաչել է միայն մեկ տանձենի: Տնկիները գնել էինք տոնավաճառից: Սա իհարկե վատ ցուցանիշ է:
Աշնանային ծառատունկի շրջանակում պտղատու և դեկորատիվ ծառերի քանակը կհամալրենք և կավելացնենք: Ինքս հակված եմ դպրոցի ներքին բակերում ավելացնել պտղատու ծառերի քանակը:
Ծառատունկի նախագծում.
Բնապահպանները ծառատունկի բարենպաստ ժամանակաշրջան են համարում հոկտեմբերի 24-ից հետո: Այս ժամանակահատվածը համընկնում է կրթահամալիրում «Փնջային հավաք» կրթական փոխանակման ծրագրի իրականացմանը, որի շրջանակում մեր հյուրընկալվող համայնքը Վարդենիկ գյուղից է: Գյուղը հայտնի է իր մրգատվությամբ և ոչ միայն: Վարդենիկցիները սիրով առաջարկել են միասնական ծառատունկ իրականացնելու նախագծը կրթահամալիրում: Հոկտեմբերի 27-ին Մայր դպրոցի տարածքում տնկելու ենք 10 պտղատու ծառեր` բալենի, խնձորենի, սալորենի, տանձենի:
Խնդրանք-հայտ ենք ներկայացրել թփերի, վարդերի և դեկորատիվ բույսերի:
Նախապատրաստական փուլ.
- գործիքների համալրում` բահ, դույլ, ցնցուղ
- ծառերի փոսերի փորում
- որակյալ հողի նախապատրաստում` փոսերի մոտ
Աշխատանքային փուլ.
- տնկիները ջրել անհրաժեշտության դեպքում
- ծառերի բներին բաժակներ առանձնացնել
- թփերի տակ ակոսներ առանձնացնել
Գոհար Եղոյան 