Մառանային տարածքն արդեն ունենք նկուղում: Այս տարածքում ստեղծելու ենք մառանի մոդելային հարթակ: Այսօր արդեն սկսել ենք մառանի մաքրման, ձևափոխման, գույքի տեղավորման աշխատանքները: Սովորողների փոքր խմբեր սիրով մասնակցում են նախագծի իրականացման աշխատանքներին:
«Ուսումնական մառան» արտադրական ուսուցմամբ արտադրատեսակները կտեղավորենք այստեղ. մուրաբաներ, պահածոներ, քացախների տեսականի, չորացրած կանաչ թեյեր, դեղաբույսեր: Կստեղծվի հարմար անկյուն տեղում գինի պատրաստելու, գյուղատնտեսական չոր բանջարեղեն` սխտոր, սոխ, պղպեղ, ավելուկ չորացնելու համար: Մառանը կծառայի նաև որպես չրանոց, կունենանք կախկանով խնձոր, ալոճ…Որոշել ենք ագարակի թոնրատանը տարեհաց թխել և մշտապես լավաշ ունենալ մառանում, պանիր պատրաստել և կճուճներով հորել: Իսկ դեկտեմբերին մենք իսկական խնոցի ենք ունենալու….
Ոճավորման նախնական էսքիզները գյուղական են` փայտային լուծումներով, և ամենահրապուրիչ հատվածը մառանի սեղանատունն է: Այն կհավաքենք չոր խոտի տուկերից և փայտե պադոններից:
Ռաֆայել Հովհանիսյանը իր բլոգում պատմում է մառանի նշանակության մասին և նկարահանել մի հատված:
Գոհար Եղոյան 