«Մխիթար Սեբաստացի» կրթահամալիրում մեկնարկել է միջազգային պատանեկան ազգագրական-հնագիտական բաց հավաք-ճամբարը: Ճամբարը կգործի մինչև նոյեմբերի 3-ը: Ճամբարին մասնակցում են Բուլղարիայի Սոֆիա քաղաքի «Զվերեց» պարային-ազգագրական, Գյումրի քաղաքի «Հրայրք» պարային-ազգագրական, Ջավախքի դպրոցների, հայաստանյան դպրոցների, «Մխիթար Սեբաստացի» կրթահամալիրի ազգագրական-նախագծային խմբերը:
Ճամբարի ծրագրում ներառված է երեքանգամյա ծիսական սնունդ։ Սննդի կազմակերպումը խոհանոցային տեխնոլոգիայի շրջանակում իրականացվում է որպես ուսումնական նախագիծ։
Նախագծի մասնակիցները 6-րդ դասարանի սովորողների ճամբարային խումբ է.
- Կարինե Գոմցյան
- Մոնիկա Օհանջանյան
- Հայկ Արշակյան
- Արթենի Ջանիկյան
- Շուշան Փաշինյան
- Ղալամքարյան Հրաչ
- Ղալամքարյան Լևոն
Նախագծի կազմակերպման փուլ
Մասնակից խմբի հետ պետք է ընտրենք այնպիսի ուտեստներ, որոնք հայկական են և կարող ենք խոհարարների հետ պատրաստել։ Այնուհետև, որոշում ենք ուտեստների ինքնարժեքը, քանի որ կրթահամալիրում հյուրընկալվողների ճաշացանկի ընդունված գնային արժեք գոյություն ունի և այն պետք է պահպանել։ Սովորողների հետ քննարկման ընթացքում, բոլորը սկսում են վերհիշել, թե ինչ ազգային ուտեստներ են պատրաստում իրենց մայրիկները, տատիկները. սկսվում է անկեղծ ու համեղ զրույց։ Վերհիշվածներից ընտրեցինք ուտեստների մի քանի տեսակներ։
Որոշվում է ուտեստները՝
- հարիսա
- ավելուկ տապակած
- թանապուր
- չամիչով փլավ
- տապակած կանաչի
- խառը թթու
- հորած պանիր
- ջեռոցի կաչտոֆիլ
- թարմ հյութ
Նախապատրաստման փուլ
Մթերքների կշիռները արդեն որոշված է և պահեստային մասից կարող ենք դրանք կշռել և վերցնել։ Այնուհետև նախօրոք պատրաստում ենք հաջորդ օրվա պատրաստվելիք մթերքը՝ կիսաֆաբրիկատի տեսքով։
Ծիսական միջավայր
Խոհանոցը, ճաշասեղանները ձևավորելու ենք հայկական էլեմենտներով՝ կավե սպասք, ցորենի հասկեր, կավե աղամաններ, սփռոցներ և այլն։
Արդյունքնր կլինեն հաշվետու նկարաշարերի, նյութերի տեսքով։